Exodus 6
1Tua ciangin TOPA in Moses kiangah, “Tu-in Pharaoh tunga ka hih ding na mu ding hi: A thahat ka khut hangin amaute a paisak ding hi; a thahat ka khut hangin ama gamsung panin amaute a hawlkhia ding hi,” a ci hi. 2 Pasian in Moses kiangah, “Keimah TOPA ka hi hi; 3Abraham tung, Isaac tung le Jacob tungah Thahatpen ▼▼6.3 Hebrew ah El-Shaddai
Pasian in ka kilanga, ahi hangin TOPA ▼▼6.3 Pk 3:15 ah en in.
ka min tawh amaute kiangah ka kitheisak nai kei hi. ▼▼6.3 Ahikeh Ka min TOPA
4Amaute pemta-a a tenna uh Canaan gam amaute ka piak nading thukhun kip zong ka bawl zo hi. 5Tua banah Egypt-te in sila-a a khawi uh Israel mite thumna ka za zo a, ka thukhun ka phawk zo hi. d 6 Tua ahi ciangin Israel mite kiangah, ‘Keimah TOPA ka hi a, Egypt-te hakkol nuai panin note kong paikhiatpih ding hi. Amaute khuta sila suahna pan kong tankhia dinga, khut zankhiatna le thukhenna vangliatna nasep tawh note kong tan ding hi. 7Note, ka mi dingin kong la dinga, note’ Pasian ka hi ding hi. Tua ciangin keimah TOPA note Pasian Egypt-te’ hakkol nuai pana hong lakhia pa ka hilam na thei ding uh hi. 8Keimah in Abraham tung, Isaac tung le Jacob tungah kong pia ding hi, ci-a khut zan-a ka ciamsa leitangah note kong puak ding hi. Note tanh dingin kong pia ding hi. Keimah TOPA ka hi hi, ci hi,’ ci-in gen un,” a ci hi. e 9 Moses in hih thu Israel mite tungah ko a, ahi hangin amaute in amau lungkiatna le sila-a a kikhelbawlna hangin a thu a ngai nuam kei uh hi. 10 Tua ciangin TOPA in Moses kiangah, 11“Pai inla Egypt kumpipa Pharaoh kiangah, Israel-te ama gam panin a paikhiatsak nadingin va gen in,” a ci hi. 12 Ahi hangin Moses in TOPA kiangah, “Israel-te in ka thugen hong ngai lo uh ahileh bangci in Pharaoh in pau-awkpi-a ka thugen hong ngai ding ahi hiam?” ▼▼6.12 Hebrew ah keimah vunat loh mukte a nei ka hi hi; tg.30 ah zong
a ci hi. Moses le Aaron-te Innkuan Ciamtehna
13 Tu-in Egypt kumpipa Pharaoh le Israel-te tungtang thu TOPA in Moses le Aaron tungah gena, Egypt panin Israel-te a paikhiatpih dingun thu a pia hi. 14 Hihte amau innkuan ▼▼6.14 Hebrew ah innkuante hih tang 25 na-ah beh sangin a zaizaw in gen hi
lutangte ahi hi: h Israel’ ta upa pen Reuben pana piang ta pasalte Hanoch le Pallu, Hezron le Carmi. Hihte Reuben’ bawng’ ahi hi.15 Simeon’ tapate Jemuel, Jamin, Ohad, Jakin, Zohar le Canaan numei’ tapa Shaul ahi hi. Hihte Simeon’ bawng’ ahi hi.
16 Hihte amau ciamtehna tawh kizui-a Levi’ tapate’ minte ahi hi: Gershon, Kohath le Merari ahi hi. Levi kum 137 a nungta hi. i
17 A beh zui-in Gershon’ tapate Lubni le Shimei ahi uh hi.
18 Kohath’ tapate Amram, Izhar, Hebron le Uzziel ahi hi. Kohath kum 133 a nungta hi. j
19 Merari’ tapate Mahli le Mushi ahi hi. k
Hihte amau ciamtehna tawh kizui-in Levi’ bawng’te ahi hi.
20 Amram in a pa sanggamnu Jochebed tenpih a tuanu in amah tawh Aaron le Moses a nei hi. Amram kum 137 a nungta hi.
21 Izhar’ tapate Korah, Nepheg le Zicri ahi hi.
22 Uzziel’ tapate Mishael, Elzaphan le Sithri ahi hi.
23 Aaron in Nahshon’ sanggamnu Amminadab tanu Elisheba tenpih-a, tuanu in amah tawh Nadab le Abihu, Eleazar le Ithamar a nei hi. l
24 Korah’ tapate Assir, Elkanah le Abiasaph ahi hi. Hihte Korah-te bawng’ ahi hi. m
25 Aaron’ tapa Eleazar in Putiel’ tanute khat tenpih a, tuanu in amah tawh Pinehas a nei hi. n
Hihte in a bawng’bawng’-a Levi’ innkuan lutangte ahi hi.
26 TOPA in, “Israel mite amau kikhenna tawh kizui-in Egypt pan paikhiatpih un,” a cihna hih Aaron le Moses-te tung mah ahi hi. 27Egypt kumpipa Pharaoh tungah, Egypt pan Israel-te paikhiatpih nading thu a gen amaute mah ahi hi. Tuate Moses le Aaron mah ahi uh hi. o
Aaron in Moses Tangin Thugen
28 Egypt ah TOPA in Moses kianga thu a gen lai-in, 29ama kiangah, “Keimah TOPA ka hi hi. Nang tungah kong gen peuhmah Egypt kumpipa Pharaoh tungah gen in,” a ci hi. 30 Ahi hangin Moses in TOPA tungah, “Pau-awkpi-a thugen ka hi tawh bang hangin Pharaoh in ka thugen ngai ding ahi hiam?” a ci hi.
Copyright information for
ZomZIV